Ֆուտբոլի Հայաստանի ազգային հավաքականն առաջին մարզումն է անցկացրել Շվեդիայի մայրաքաղաք Ստոկհոլմում՝ պատրաստվելով Եվրո-2020-ի մասնակիցներից Շվեդիայի հավաքականի հետ ընկերական հանդիպմանը:
Հիշեցնենք, որ հունիսի 1-ին Հայաստանի հավաքականը խորվաթական Վելիկա Գորիցա քաղաքում ընկերական հանդիպում էր անցկացրել նաև աշխարհի գործող փոխչեմպիոն Խորվաթիայի հավաքականի հետ: Խաղն ավարտվել էր 1:1 հաշվով: Հայաստանի հավաքականի պատասխան գոլը 72-րդ րոպեին գեղեցիկ հարվածով խփել էր «Արարատ-Արմենիայի» կիսապաշտպան Վբեյմար Անգուլոն:
Իսպանացի Խոակին Կապառոսի գլխավորությամբ Հայաստանի հավաքականի անպարտելի շարքը հասավ 9 խաղի:
Շվեդիայի թիմի հետ հանդիպումը Հայաստանի հավաքականը կանցկացնի հունիսի 5-ին Ստոկհոլմի «Ֆրենդս Արենա» ստադիոնում։ Խաղի մեկնարկը՝ Երևանի ժամանակով 22:45-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։