«Ալաշկերտի» հավանական մրցակիցները Չեմպիոնների լիգայի որակավորման փուլում

10:33   3 հունիսի, 2021

Հայտնի են դարձել ֆուտբոլի Հայաստանի նորընծա չեմպիոն «Ալաշկերտի» հավանական մրցակիցները Չեմպիոնների լիգայի որակավորման առաջին փուլում:

Վիճակահանության արդյունքում «Ալաշկերտին» կարող են բաժին հասնել ՀԻԿ-ը (Ֆինլանդիա), «Ռիգան» (Լատվիա), «Մուրան» (Սլովենիա), «Տեուտան» («Ալբանիա), «Բորացը» (Բոսնիա-Հերցեգովինա), «Վալյուրը» (Իսլանդիա), Սոլիգորսկի «Շախտյորը» (Բելառուս), «Լինֆիլդը» (Հյուսիսային Իռլանդիա), «Ֆոլան» (Լյուքսեմբուրգ), «Բուդյո Գլիմտը» (Նորվեգիա), «Շեմրոկ Ռովերսը» (Իռլանդիա), «Համրուն Սպարտանսը» (Մալթա), «Մաքաբի Հայֆան» (Իսրայել) և «Քոնաս-Կի Նոմանսը» (Ուելս):

Չեմպիոնների լիգայի որակավորման առաջին փուլի վիճակահանությունը տեղի կունենա հունիսի 15-ին:

Հիշեցնենք, որ Հայաստանի ավարտված առաջնության արդյունքներով այս մրցաշրջանում եվրագավաթների ուղեգիր էին նվաճել նաև փոխչեմպիոն «Նոան», բրոնզե մեդալակիր «Ուրարտուն» ու գավաթակիր «Արարատը», որոնք հանդես կգան ՈւԵՖԱ-ի նորաստեղծ մրցաշար Կոնֆերանսների լիգայի որակավորման փուլում:

Ֆոտո՝ ՀՖՖ



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։