«Ռոլան Գարոս»․ Աշխարհի երկրորդ ռակետը հրաժարվեց մասնակցությունից կազմակերպիչների հետ տարաձայնության պատճառով
00:58 1 հունիսի, 2021Աշխարհի կանանց երկրորդ ռակետ Նաոմի Օսական հրաժարվեց շարունակել մրցապայքարը թենիսի Ֆրանսիայի բաց առաջնությունում, որը «Մեծ սաղավարտ» շարքի երկրորդ մրցաշարն է։ Նա դուրս էր եկել երկրորդ շրջան։
«Ես կարծում եմ, որ հիմա մրցաշարի, մյուս խաղացողների եւ իմ բարեկեցության համար լավագույնը կլինի իմ հեռանալը, որպեսզի յուրաքանչյուրը կարողանա կենտրոնանալ թենիսի վրա, որը հիմա Փարիզում է»,- Թվիթերում գրել է Ճապոնիայի ներկայացուցիչը։
Մինչեւ «Ռոլան Գարոսի» մեկնարկը Նաոմի Օսական հայտարարել էր, որ Փարիզում չի պատասխանելու լրագրողների հարցերին եւ խուսափելու է լրատվամիջոցներից։ Նա բաց թողնեց առաջին մամուլի ասուլիսը եւ տուգանվեց 15 հազար դոլարով։ «Մեծ սաղավարտի» մրցաշարերի նախագահները տարածեցին հայտարարություն եւ զգուշացրին, որ Օսական կորակազրկվի, եթե շարունակի բոյկոտը։
Հիշեցնենք, որ Նաոմի Օսական նախորդ տարի հաղթել էր US Open-ում եւ ճանաչվել աշխարհի լավագույն մարզուհի Laureus-ի վարկածով։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.