Երևանի «Ուրարտուի» ֆուտբոլիստները Հայաստանի առաջնության վերջին՝ 25-րդ տուրում «Փյունիկի» նկատմամբ նվազագույն հաշվով հաղթանակից հետո թիմի գլխավոր մարզիչի պաշտոնակատար Ռոբերտ Արզումանյանին գցել են լողավազանը (տեսանյութ):
Այդ հաղթանակի շնորհիվ «Ուրարտուն» գրավել էր երրորդ տեղը և նվաճել ՈւԵՖԱ-ի նորաստեղծ մրցաշար Կոնֆերանսների լիգայի ուղեգիր:
Հիշեցնենք, որ պատմության մեջ չորրորդ անգամ Հայաստանի չեմպիոնի կոչումը նվաճել էր «Ալաշկերտը», որը հավաքել էր 46 միավոր: 41 միավոր հավաքած «Նոան» երկրորդ տարին անընդմեջ դարձավ Հայաստանի փոխչեմպիոն, լավագույն եռյակը եզրափակած «Ուրարտուն» ևս վաստակեց 41 միավոր: 13 տարվա ընդմիջումից հետո Հայաստանի գավաթակիր դարձած Երևանի «Արարատը» (40 միավոր) չորրորդն էր, իսկ «Արարատ-Արմենիան» (38 միավոր) չկարողացավ պաշտպանել չեմպիոնի կոչումը և գրավեց 5-րդ տեղը՝ մնալով առանց եվրագավաթների ուղեգրի:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։