Հյուսիսային Մակեդոնիայի մայրաքաղաք Սկոպյեում անցկացված հունահռոմեական ոճի ըմբշամարտի Եվրոպայի մինչև 23 տարեկանների առաջնությունում հրաշալի տպավորություն է թողել Ռուսաստանի ներկայացուցիչ, 97 կգ քաշային Արթուր Սարգսյանը:
Չեմպոինի կոչումը նվաճած հայ ըմբիշն անցկացրել է 4 գոտեմարտ և հաղթել ընդհանուր 35:0 հաշվով: Նա առավելության է հասել սերբ Ալեքսանդր Սիմովիչի (8:0), ուկրաինացի Վալենտին Շկլիարենկոյի (9:0), հույն Միչալիս Իոսիֆիդիսի (8:0) ու վրացի Գիորգի Կացանաշվիլիի (9:0) նկատմամբ:
Հիշեցնենք, որ հունահռոմեական ըմբշամարտի Հայաստանի հավաքականը երկրորդ տեղն էր գրավել Եվրոպայի մինչև 23 տարեկանների առաջնության թիմային հաշվարկում: Հայաստանի թիմը ելույթն ավարտել էր 2 ոսկե, 1 արծաթե, 3 բրոնզե մեդալով: Հայաստանի ներկայացուցիչներից Հրաչյա Պողոսյանը (63 կգ) և Մալխաս Ամոյանը (72 կգ) դարձել էին ոսկե մեդալակիր, Դավիթ Օվասապյանը (130 կգ) նվաճել էր արծաթե մեդալ, իսկ Տիգրան Մինասյանը (60 կգ), Սամվել Գրիգորյանը (77 կգ) և Գևորգ Թադևոսյանն (87 կգ) արժանացել էին բրոնզե մեդալի:
#WrestleSkopje U23 Euro C'ship GR Top Performer: Artur SARGSIAN
— United World Wrestling (@wrestling) May 28, 2021
Sargasian stormed his way to the 97kg gold medal in Skopje with four dominant wins. He outscored his 4 foes 35-0 and captured his first continental title since winning gold at the '18 junior European C'ships. pic.twitter.com/TR3PSec7IS
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։