Օդեսայի «Չեռնոմորեցը» նվաճել է ֆուտբոլի Ուկրաինայի Պրեմիեր լիգայի ուղեգիր:
Ուկրաինայի առաջին լիգայի 28-րդ տուրում «Չեռնոմորեցը» հյուրընկալվելիս նվազագույն հաշվով հաղթել է «Մետալիսին» և ժամանակից շուտ ապահովել ուղեգիր:
Հայ կիսապաշտպան Արթուր Ավագիմյանը «Չեռնոմորեցի» մեկնարկային կազմում խաղացել է 78 րոպե:
«Չեռնոմորեցի» պես Պրեմիեր լիգայի ուղեգիր է նվաճել առաջատար «Վերեսը»:
Ուկրաինայի առաջին լիգայի ընթացիկ առաջնությունում 24-ամյա Ավագիմյանը մասնակցել է 25 խաղի և դարձել է 5 գոլի ու 6 գոլային փոխանցման հեղինակ: Ավելի վաղ նա ճանաչվել էր «Չեռնոմորեցի»՝ մրցաշրջանի առաջին հատվածի լավագույն ֆուտբոլիստ:
Հիշեցնենք, որ Արթուր Ավագիմյանը նախորդ տարվա ձմռանը Երևանի «Ալաշկերտից» էր տեղափոխվել «Չեռնոմորեց»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։