Մ23 ԵԱ. Սամվել Գրիգորյանն ու Գեւորգ Թադեւոսյանը՝ բրոնզե մեդալակիրներ
21:33 22 մայիսի, 2021Հյուսիսային Մակեդոնիայի մայրաքաղաք Սկոպիեում անցկացվող հունահռոմեական ըմբշամարտի մինչեւ 23 տարեկանների Եվրոպայի առաջնությունում Հայաստանը նվաճեց եւս երկու մեդալ։
77 կգ քաշային Սամվել Գրիգորյանը բրոնզե մեդալի համար գոտեմարտեց վրացի Նիկոլոզ Տխիկաձեի հետ եւ հաղթանակ տարավ 11:2 հաշվով։
87 կգ քաշային Գեւորգ Թադեւոսյանը բրոնզե մեդալի համար մրցեց բուլղարացի Սվետոսլավ Նիկոլովի հետ եւ առավելության հասավ 4։1 հաշվով։
Հիշեցնենք, որ 63 կգ քաշային կարգի եզրափակիչում Հայաստանի հավաքականի ըմբիշ Հրաչյա Պողոսյանը գոտեմարտել էր շվեդ Նիկլաս Օհլենի հետ եւ առավելության հասել 4։1 հաշվով՝ նվաճելով չեմպիոնի կոչումը։
Մայիսի 22–ին եզրափակիչում կգոտեմարտի նաեւ 130 կգ քաշային Դավիթ Օվասապյանը, որի մրցակիցը կլինի ռուսաստանցի Միխայիլ Լապտեւը։
72 կգ քաշային Մալխաս Ամոյանը մայիսի 23–ին անցկացվելիք եզրափակիչում կմրցի ուկրաինացի Անդրեյ Կուլիկի հետ։
60 կգ քաշային կարգում Տիգրան Մինասյանը բրոնզե մեդալի համար կգոտեմարտի իսպանացի Անդի Խուան Սուչի հետ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։