Հյուսիսային Մակեդոնիայի մայրաքաղաք Սկոպիեում անցկացվող հունահռոմեական ըմբշամարտի մինչեւ 23 տարեկանների Եվրոպայի առաջնության առաջին օրը Հայաստանի 5 ըմբիշներից 4–ը դուրս է եկել կիսաեզրափակիչ։
63 կգ քաշային Հրաչյա Պողոսյանը եզրափակիչի ուղեգրի համար կմրցի վրացի Լերի Աբուլաձեի հետ։ Որակավորման փուլում Հրաչյան Պողոսյանը 3։2 հաշվով պարտության է մատնել ռուսաստանցի Ռախման Թավմուրզաեւին, քառորդ եզրափակիչում 1։0 հաշվով հաղթել է ուկրաինացի Մաքսիմ Լիուին։
77 կգ քաշային Սամվել Գրիգորյանը նույնպես կիսաեզրափակիչում է եւ կմրցի ռուսաստանցի Սերգեյ Ստեպանովի հետ։ Նա 1/8 եզրափակիչում 9։0 հաշվով հաղթել է չեխ Յակուբ Բիելեշին, քառորդ եզրափակիչում նույն հաշվով ուժեղ է եղել խորվաթ Պավել Պուկլավեչից։
87 կգ քաշային Գեւորգ Թադեւոսյանը կիսաեզրափակիչում կգոտեմարտի վրացի Թեմուրի Չխուասելիձեի հետ։
1/8 եզրափակիչում Գեւորգ Թադեւոսյանը 2։0 հաշվով հաղթել է սերբ Մարիո Վուկովիչին, քառորդ եզրափակիչում 8։7 հաշվով՝ խորվաթ Մատեյ Մանդիչին։
130 կգ քաշային Դավիթ Օվասապյանը որակավորման փուլում 4։3 հաշվով պարտության է մատնել թուրք Ֆաթիհ Բոզկուրթին, քառորդ եզրափակիչում 3։1 հաշվով հաղթել է Բելառուսի ներկայացուցիչ Իլյա Յուդհիչին։ Կիսաեզրափակիչում հայ ըմբիշի մրցակիցը կլինի Շվեյցարիայի ներկայացուցիչ Դելիան Հոսեյն Ալիշահին։
55 կգ քաշային Աշոտ Մխիթարյանը որակավորման փուլում 2։4 հաշվով պարտվել է բուլղարացի Դենիս Կրասիմիրով Դեմիրովին։
Մայիսի 22–ին Հայաստանը կներկայացնեն Տիգրան Մինասյանը (60 կգ), Գուրգեն Ալեքսանյանը (67 կգ), Մալխաս Ամոյանը (72 կգ), Գագիկ Հակոբյանը (82 կգ) եւ Ալբերտ Եղիկյանը (97 կգ)։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։