Թոմաս Բախը հետաձգել է ուղևորությունը Ճապոնիա. նա Տոկիո կմեկնի Օլիմպիական խաղերի մեկնարկից 11 օր առաջ
16:19 20 մայիսի, 2021Միջազգային օլիմպիական կոմիտեի (ՄՕԿ) նախագահ Թոմաս Բախը ծրագրում է Ճապոնիա մեկնել հուլիսի 12-ին՝ Տոկիոյում կայանալիք 32-րդ ամառային Օլիմպիական խաղերի մեկնարկից 11 օր առաջ, հայտնում է Kyodo-ն:
Գերմանացին պետք է Ճապոնիա մեկներ մայիսին, սակայն ուղևորությունը հետաձգվել է կորոնավիրուսի պանդեմիայի պատճառով: ՄՕԿ-ի նախագահը ցանկանում էր հանդիպել Ճապոնիայի վարչապետ Սիհիդե Սուգայի հետ և Հիրոսիմայում մասնակցել օլիմպիական ջահի փոխանցումավազքին:
Հիշեցնենք, որ կորոնավիրուսի պանդեմիայի պատճառով Տոկիո-2020 Օլիմպիական խաղերը հետաձգվել էին մեկ տարով և կանցկացվեն 2021թ. հուլիսի 23-ից օգոստոսի 8-ը: Այս պահին Հայաստանն ունի 6 օլիմպիական ուղեգիր, չորսը՝ հունահռոմեական ըմբշամարտում (Արմեն Մելիքյան, 60 կգ, Կարեն Ասլանյան, 67 կգ, Կարապետ Չալյան, 77 կգ, Արթուր Ալեքսանյան, 97 կգ), երկուսը՝ ազատ ոճի ըմբշամարտում (Արսեն Հարությունյան, 57 կգ, Վազգեն Թևանյան, 65 կգ), մեկական՝ սպորտային մարմնամարզությունում (Արթուր Դավթյան) ու բռնցքամարտում (Կորյուն Սողոմոնյան, 52 կգ):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։