Սերենա Ուիլյամսն անակնկալ պարտություն կրեց

Իտալիայի Պարմա քաղաքում անցկացվող WTA-250 շարքի մրցաշարի երկրորդ շրջանում աշխարհի 8-րդ ռակետ Սերենա Ուիլյամսը 6:7, 2:6 հաշվով պարտվել է չեխ Կատերժինա Սինյակովային և լքել պայքարը: 68-րդ ռակետ Սինյակովան հաղթել է 1 ժամ 37 րոպեում: Երրորդ շրջանում նրա մրցակիցը կլինի Աննա Ֆրիդզամ (Գերմանիա) – Կարոլին Գարսիա (Ֆրանսիա) զույգի հաղթողը:

Հիշեցնենք, որ առաջին շրջանում ամերիկացի թենիսիտուհին հաղթել էր Իտալիայի ներկայացուցիչ Լիզա Պիգատոյին: Դա 39-ամյա Սերենա Ուիլյամսի առաջին հաղթանակն էր փետրվարին Ավստրալիայի բաց առաջնության քառորդ եզրափակիչում ռումինացի Սիմոնա Հալեպին 6։3, 6։3 հաշվով պարտության մատնելուց հետո։