Մարիո Կեմպես. Հայկական ֆուտբոլը վաղ թե ուշ առաջընթաց է գրանցելու (ֆոտո)
13:20 18 մայիսի, 2021Ֆուտբոլի 1978թ. աշխարհի առաջնության չեմպիոն և լավագույն ռմբարկու Մարիո Կեմպեսն այցելել է Երևանի «Ուրարտու»։ Արգենտինացի լեգենդար ֆուտբոլիստը շրջայց է կատարել մարզաբազայի տարածքով, ծանոթացել ակումբի ենթակառուցվածքներին։ Կեմպեսը զրուցել է նաև ակադեմիայի ղեկավարության հետ, ողջունել պատանի ֆուտբոլիստներին։
«Նման փոքր պետության համար «Ուրարտուն» իսկապես լավ պայմաններ ունի։ Ինձ ասացին, որ այստեղ մարզվում է մոտ 900 երեխա, որոնց թվում աղջիկներ էլ կան։ Եթե կան նման պայմաններ, ապա հայկական ֆուտբոլը վաղ թե ուշ առաջընթաց է գրանցելու»,- Մարիո Կեմպեսի խոսքը մեջբերում է «Ուրարտուի» մամուլի ծառայությունը։
Հիշեցնենք, որ Մարիո Կեմպեսը եռօրյա այցով Հայաստան է ժամանել ՀՖՖ նախագահ Արմեն Մելիքբեկյանի հրավերով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։