Տեր Շտեգենը կվիրահատվի եւ չի մասնակցի Եվրո-2020-ին
18:44 17 մայիսի, 2021«Բարսելոնայի» եւ Գերմանիայի հավաքականի դարպասապահ Մարկ-Անդրե Տեր Շտեգենը հայտնել է, որ չի մասնակցի հունիս-հուլիսին անցկացվելիք Եվրոպայի առաջնության եզրափակիչ մրցաշարին (Եվրո-2020)։ Ֆուտբոլիստը կենթարկվի ծնկի վիրահատության։
«Հիասթափված եմ երեկվա պարտության եւ չեմպիոն դառնալու հնարավորությունը կորցնելու պատճառով։ Մրցաշրջանի սկզբի դժվարություններից հետո մենք ցուցադրեցինք բնավորություն եւ ունեցանք առանց պարտության 19 անընդմեջ հանդիպումների շարք։ Բայց մեզ չհաջողվեց պահպանել այդ մարզավիճակը։
Ակումբի բժշկական շտաբի հետ որոշել ենք գնալ ծնկի լրացուցիչ վիրահատության։ Ցավոք, ես բաց կթողնեմ Եվրո-2020-ը։ Երկար տարիների ընթացքում առաջին անգամ կլինեմ երկրպագու, որն աջակցում է իր երկրին։ Հույս ունեմ, որ Գերմանիան կդառնա չեմպիոն։ Շնորհակալ եմ աջակցության համար»,- գրել է Տեր Շտեգենն Ինստագրամում։
Իսպանիայի առաջնության նախավերջին տուրում «Բարսելոնան» տանը 1։2 հաշվով պարտվել էր «Սելտային» եւ 76 միավորով երրորդն է՝ երկրորդ տեղում ընթացող «Ռեալից» հետ մնալով 5 միավոր։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։