Մեսին պատրաստ է տեղափոխվել «Մանչեսթեր Սիթին» եւ ներկայացրել է ֆինանսական պահանջները

15:37   16 մայիսի, 2021

«Բարսելոնայի» հարձակվող Լիոնել Մեսին պատրաստ է տեղափոխվել անգլիական «Մանչեսթեր Սիթի», որի գլխավոր մարզիչն է կատալոնական ակումբի նախկին գլխավոր մարզիչ Խոսեպ Գվարդիոլան։

Կողմերը բանակցել են, եւ 33-ամյա արգենտինացի ֆուտբոլիստը նշել է, որ կհամաձայնի կարիերան շարունակել մանչեսթերյան ակումբում, եթե ստանա տարեկան առնվազն 29 միլիոն եվրո, հաղորդում է բրիտանական The Sun-ը։

Մեսին մտադիր է նաեւ ծանոթանալ «Բարսելոնայի» ղեկավարության վերջնական առաջարկին։ Նրա պայմանագիրը կատալոնական թիմի հետ ավարտվում է ամռանը, եւ նա կստանա ազատ գործակալի կարգավիճակ։

Ընթացիկ մրցաշրջանում Մեսին հոլանդացի Ռոնալդ Կումանի ղեկավարած թիմի հետ բոլոր մրցաշարերում մասնակցել է 46 հանդիպման, խփել 37 գոլ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։