Ֆուտբոլի Հայաստանի Պրեմիեր լիգայում մայիսի 15-ին անցկացվեցին նախորդ տուրերից հետաձգված 2 հանդիպումներ:
Գործող չեմպիոն «Արարատ-Արմենիան» նիգերիացի հարձակվող Յուսուֆ Օտուբանջոյի դուբլի շնորհիվ 2:1 հաշվով արտագնա հաղթանակ տարավ «Ուրարտուի» նկատմամբ, իսկ փոխչեմպիոն «Նոան» հյուրընկալվելիս նվազագույն հաշվով հաղթեց «Փյունիկին»: «Նոայի» հաղթական գոլը 89-րդ րոպեին խփեց Պետրոս Ավետիսյանը: 75-րդ րոպեից «Փյունիկը» խաղում էր 10 խաղացողներով:
«Նոան» (22 խաղ) 41 միավորով բարձրացավ առաջին տեղ, իսկ «Արարատ-Արմենիան» (21 խաղ) հավաքեց 37 միավոր և երկրորդն է: Երրորդ տեղում գտնվող «Ալաշկերտն» (20 խաղ) ունի 37 միավոր, իսկ «Արարատը» (20 խաղ) 36 միավորով չորրորդն է: 5-րդ տեղը զբաղեցնող «Ուրարտուն» (21 խաղ) հավաքել է 32 միավոր, իսկ «Փյունիկը» (22 խաղ) 22 միավորով 8-րդն է:
Հայաստանի առաջնություն, 7-րդ տուրից հետաձգված հանդիպում
«Ուրարտու» - «Արարատ-Արմենիա»՝ 1:2
Օլեգ Պոլյակով, 35 – Յուսուֆ Օտուբանջո, 15, 81
9-րդ տուրից հետաձգված հանդիպում
«Փյունիկ» - «Նոա»՝ 0:1
Պետրոս Ավետիսյան, 89
Հեռացում՝ Խոսե Բալզա, 75 («Փյունիկ»)
Ֆոտո՝ «Ուրարտուի» մամուլի ծառայություն
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։