Զիդանը որոշել է հեռանալ «Ռեալից»

20:50   14 մայիսի, 2021

Մադրիդի «Ռեալի» ֆրանսիացի գլխավոր մարզիչ Զինեդին Զիդանը որոշել է ամռանը հեռանալ Արքայական ակումբից, հաղորդում է TeleMadrid–ը։

Աղբյուրը նշել է, որ 48–ամյա մասնագետը հոգնել է ֆիզիկական եւ հոգեբանական լարվածությունից «Ռեալում»։

Զիդանը երկրորդ անգամ «Ռեալի» գլխավոր մարզիչի պաշտոնը ստանձնել է 2019 թվականին։ Դրանից առաջ նա իսպանական թիմը գլխավորել էր 2016–2018–ին։

Նրա ղեկավարությամբ «Ռեալը» դարձել է Չեմպիոնների լիգայի եռակի գավաթակիր, Իսպանիայի կրկնակի չեմպիոն։

Իսպանիայի ընթացիկ առաջնության 36 տուրից հետո «Ռեալը» 78 միավորով երկրորդ տեղում է եւ 2 միավոր է հետ առաջատար «Աթլետիկոյից»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։