«Լիվերպուլի» եգիպտոսցի հարձակվող Մոհամեդ Սալահը, գոլի հեղինակ դառնալով «Մանչեսթեր Յունայթեդի» դեմ Անգլիայի առաջնության 34-րդ տուրի խաղում (4:2), գրանցել է տպավորիչ ցուցանիշ:
Վերջին 100 տարում 28-ամյա Սալահը «Լիվերպուլի» առաջին ֆուտբոլիստն է, որը մեկ մրցաշրջանում «Մանչեսթեր Յունայթեդին» գոլ է խփում 2 արտագնա խաղերում: 1920/21թթ. մրցաշրջանում դա հաջողվել էր Գարի Չեմբերսին, հայտնում է Opta-ն:
Այս մրցաշրջանում եգիպտոսցի հարձակվողը Մանչեսթերի «Օլդ Տրաֆորդ» ստադիոնում գոլի հեղինակ էր դարձել նաև Անգլիայի գավաթի խպաղարկության չորրորդ շրջանի խաղում (2:3):
Բացի այդ, Սալահը Պրեմիեր լիգայի երկրորդ խաղացողն է, որն այս մրցաշարում 30 գոլ է խփում բոլոր մրցաշարերում (48 խաղում): Այդ ցուցանիշով նրան գերազանցում է միայն Լոնդոնի «Տոտենհեմի» անգլիացի հարձակվող Հարի Քեյնը (31 գոլ, 46 խաղ):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։