Դորտմունդի «Բորուսիան» պատմության մեջ 5-րդ անգամ դարձավ ֆուտբոլի Գերմանիայի գավաթակիր: Բեռլինում տեղի ունեցած եզրափակիչում դորտմունդցիները 4:1 հաշվով վստահ հաղթանակ տարան «Լայպցիգի» նկատմամբ: Դուբլի հեղինակ դարձան անգլիացի կիսապաշտպան Ջեյդոն Սանչոն ու նորվեգացի հարձակվող Էրլինգ Հոլանդը:
20-ամյա Հոլանդն այս մրցաշրջանում «Բորուսիայի» կազմում բոլոր մրցաշարերում անցկացրեց 39-րդ հանդիպումը և խփեց 39-րդ գոլը:
«Բորուսիան» նախորդ անգամ Գերմանիայի գավաթակիր դարձել էր 2016/2017թթ. մրցաշրջանում:
Հիշեցնենք, որ այս տարի Գերմանիայի գավաթակրի կոչումը չէր կարողացել պաշտպանել Մյունխենի «Բավարիան», որը 1/16 եզրափակիչում սենսացիոն պարտություն էր կրել երկրորդ Բունդեսլիգայի ներկայացուցիչ «Հոլշտեյն Կիլից»:
Գերմանիայի գավաթ, եզրափակիչ
«Լայպցիգ» - «Բորուսիա Դ.»՝ 1:4 (տեսանյութ)
Դանի Օլմո, 71 – Ջեյդոն Սանչո, 5, 45+1, Էրլինգ Հոլանդ, 28, 87
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։