Միհրան Հարությունյանը, Արման Ծառուկյանը և Դավիթ Սաֆարյանը համատեղ մարզում են անցկացրել Երևանում (ֆոտո)

15:43   13 մայիսի, 2021

Հունահռոմեական ոճի ըմբշամարտի Ռիո-2016 Օլիմպիական խաղերի փոխչեմպիոն, խառը մենամարտերում (MMA) հանդես եկող Միհրան Հարությունյանը, UFC-ի ռուսաստանցի մարտիկ Արման Ծառուկյանը և ազատ ոճի ըմբշամարտի 2013թ. աշխարհի ու Եվրոպայի չեմպիոն Դավիթ Սաֆարյանը համատեղ մարզում են անցկացրել Երևանի Օլիմպավանում։ 

Արման Ծառուկյանը նաև Ինստագրամում լուսանկար է հրապարակել Տոկիո–2020 Օլիմպիական խաղերի ուղեգիր նվաճած, ազատ ոճի ըմբիշ Արսեն Հարությունյանի (57 կգ) հետ։

Միհրան Հարությունյանը նախորդ մենամարտն անցկացրել ապրիլի 6–ին Մոսկվայում՝ Eagles FC 35 մրցաշարում ժամանակից շուտ հաղթելով ռուսաստանցի Ախմեդխան Ախմեդովին։

Արման Ծառուկյանը նախորդ մենամարտն անցկացրել է հունվարին տեղի ունեցած UFC 257 մրցաշարում, որտեղ մրցավարների միաձայն որոշմամբ հաղթել էր ամերիկացի Մեթ Ֆրևոլային:

View this post on Instagram

A post shared by Arman Tsarukyan (@arm_011)



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։