Պաուլու Ֆոնսեկա. Պետք է վերականգնենք ուժերը, որպեսզի դերբիում հաղթենք «Լացիոյին»
12:15 13 մայիսի, 2021«Ռոմայի» գլխավոր մարզիչ Պաուլու Ֆոնսեկան մեկնաբանել է Իտալիայի առաջնության 36-րդ տուրում նորընծա չեմպիոն Միլանի «Ինտերից» կրած պարտությունը 1:3 հաշվով:
«Առաջին խաղակեսում «Ինտերին» թույլ տվեցինք անցկացնել հակագրոհեր, և նրանք միանգամից գոլ խփեցին: Սակայն մեր թիմը լավ արձագանքեց և լավ անցկացրեց երկրորդ խաղակեսը՝ ստեղծելով գոլային պահեր: Արդյունքը ծանր է այն բանի համար, թե ինչ մենք արեցինք: Թիմը ցուցադրեց բնավորություն ու չէր դադարում խաղալ ու գրոհել: Հիմա պետք է վերականգնենք մեր ուժերը, իսկ հետո դերբիում հաղթենք «Լացիոյին»»,- մարզիչի խոսքը մեջբերում է RomaTV-ն:
Հիշեցնենք, որ Միլանի «Սան Սիրո» ստադիոնում կայացած խաղում «Ռոմայի» միակ գոլը 31-րդ րոպեին խփեց Հայաստանի հավաքականի կիսապաշտպան Հենրիխ Մխիթարյանը: Իտալիայի ընթացիկ առաջնությունում 32-ամյա Մխիթարյանը մասնակցել է 32 խաղի, դարձել 11 գոլի ու 11 գոլային փոխանցման հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։