Հարի Մագուայրը վնասվածք է ստացել

«Մանչեսթեր Յունայթեդի» եւ Անգլիայի հավաքականի պաշտպան Հարի Մագուայրը վնասվածք է ստացել եւ բաց կթողնի մի քանի շաբաթ։ Նրա մասնակցությունը Եվրոպայի լիգայի եզրափակիչ հանդիպմանը եւ հունիս–հուլիսին անցկացվելիք Եվրոպայի առաջնության եզրափակիչ մրցաշարին (Եվրո–2020) հարցականի տակ է, հաղորդում է Goal.com–ը։

«Լավ նորությունն այն է, որ Մագուայրը կոտրվածք չի ստացել «Աստոն Վիլայի» դեմ խաղում ստացած վնասվածքի հետեւանքով։ Հույս ունենք նրան տեսնել Եվրոպայի լիգայի եզրափակիչում»,– ասել է մանչեսթերյան ակումբի նորվեգացի գլխավոր մարզիչ Ուլե–Գունար Սուլշերը։

Եվրոպայի լիգայի «Վիլյառեալ» – «Մանչեսթեր Յունայթեդ» եզրափակիչը տեղի կունենա մայիսի 26–ին Լեհաստանի Գդանսկ քաղաքում։