«Մանչեսթեր Յունայթեդը» պարտվեց «Լեսթեր Սիթիին», «Մանչեսթեր Սիթին» հռչակվեց չեմպիոն (տեսանյութ)

22:53   11 մայիսի, 2021

«Մանչեսթեր Սիթին» Անգլիայի առաջնության ավարտից երեք տուր առաջ նվաճեց չեմպիոնի տիտղոսը։

Պրեմիեր լիգայի 36–րդ տուրում «Մանչեսթեր Յունայթեդը» տանը մրցեց «Լեսթեր Սիթիի» եւ պարտություն կրեց 1։2 հաշվով։

Առաջինը հաջողության հասան հյուրերը։ 10–րդ րոպեին խաղի հաշիվը բացեց անգլիացի պաշտպան Լյուկ Թոմասը։

Նորվեգացի Ուլե–Գունար Սուլշերի գլխավորած թիմը հավասարությունը վերականգնեց 15–րդ րոպեին։ Գոլի հեղինակ դարձավ անգլիացի հարձակվող Մեյսոն Գրինվուդը։

«Լեսթեր Սիթիի» հաղթական գոլը 66–րդ րոպեին խփեց թուրք պաշտպան Չագլար Սյոյունջյուն։

«Մանչեսթեր Յունայթեդը» 70 միավորով երկրորդ տեղում է։ «Մանչեսթեր Սիթին» 80 միավորով ապահովեց առաջին տեղը եւ 7–րդ անգամ նվաճեց տիտղոսը։ «Լեսթեր Սիթին» 36 խաղից 66 միավորով երրորդն է։ 

Մանչեսթերյան թիմը կատալոնացի Խոսեպ Գվարդիոլայի ղեկավարությամբ երրորդ անգամ դարձավ ուժեղագույնը։  

Անգլիայի առաջնություն, 36–րդ տուր

«Մանչեսթեր Յունայթեդ» – «Լեսթեր Սիթի»՝ 1։2 (տեսանյութ)

Մեյսոն Գրինվուդ, 15 – Լյուկ Թոմաս, 10, Չագլար Սյոյունջյու, 66

 



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։