«Ռեալը» Ազարի գոլի շնորհիվ խուսափեց պարտությունից «Սեւիլիայի» հետ խաղում (տեսանյութ)

00:52   10 մայիսի, 2021

Իսպանիայի առաջնության 35-րդ տուրում չեմպիոն «Ռեալը» Մադրիդում ընդունեց «Սեւիլիային»։ Ֆրանսիացի Զինեդին Զիդանի գլխավորած թիմը բավարարվեց ոչ ոքի արդյունքով՝ 2։2։

Հյուրերն առաջինը հասան հաջողության։ 22-րդ րոպեին հաշիվը բացեց «Սեւիլիայի» բրազիլացի կիսապաշտպան Ֆերնանդոն։ 67-րդ րոպեին «Ռեալից» հավասարությունը վերականգնեց իսպանացի հարձակվող Մարկո Ասենսիոն։ Իսպանացի Խուլեն Լոպետեգիի գլխավորած թիմի երկրորդ գոլը 78-րդ րոպեին 11 մետրանոցից խփեց խորվաթ կիսապաշտպան Իվան Ռակիտիչը։ Արքայական ակումբին պարտությունից փրկեց բելգիացի կիսապաշտպան Էդեն Ազարի գոլը ավելացված վերջին րոպեին։

«Ռեալը» 75 միավորով հավասարվեց «Բարսելոնային» եւ երկրորդն է։ «Սեւիլիան» 71 միավորով չորրորդ տեղում է։ Առաջատարը Մադրիդի «Աթլետիկոն» է՝ 77 միավոր։ Առաջնության ավարտին մնացել է երեք տուր։

Իսպանիայի առաջնություն, 35-րդ տուր

«Ռեալ» - «Սեւիլիա»՝ 2։2 (տեսանյութ)

Մարկո Ասենսիո, 67, Էդեն Ազար, 90+4 - Ֆերնանդո, 22, Իվան Ռակիտիչ, 78, 11մ



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։