Կլոպ․ Բարդ կլինի, բայց «Լիվերպուլը» դեռ պայքարում է լավագույն քառյակ մտնելու համար

13:34   9 մայիսի, 2021

Անգլիայի առաջնության 35-րդ տուրում «Սաութհեմփթոնի» նկատմամբ տարած 2։0 հաշվով հաղթանակից հետո «Լիվերպուլի» գերմանացի գլխաոր մարզիչ Յուրգեն Կլոպը հայտարարել է, որ իր ղեկավարած թիմը դեռ շարունակում է պայքարը լավագույն քառյակում լինելու համար։

«Լավ խաղ ստացվեց, բայց բարդ էր։ Համառ աշխատանքի շնորհիվ խփեցինք առաջին գոլը։ Մրցակիցը պահեր ուներ հակագրոհներից հետո, բայց Ալիսոնը հրաշալի խաղաց։ Երկրորդ խաղակեսում «Սաութհեմփթոնը» ճնշում էր գործադրում։ Մեզ հաջողվեց պահել հաղթանակը, ինչը այս մրցաշրջանում այդքան էլ հաճախ չէր լինում։  

Մենք շարունակում ենք մասնակցել քառյակում լինելու համար։ Դա բարդ է, բայց անհնար չէ։ «Լիվերպուլը» կձգտի առավելագույնին մնացած հանդիպումներում»,- Կլոպի խոսքը մեջբերում է BBC-ն։

«Լիվերպուլը» 34 խաղից հետո 57 միավորով 6-րդ տեղում է եւ 6 միավոր հետ է չորրորդ տեղում ընթացող «Լեսթեր Սիթիից», որն անցկացրել է 35 հանդիպում։ Հաջորդ խաղում «Լիվերպուլը» մայիսի 13-ին կհյուրընկալվի «Մանչեսթեր Յունայթեդին»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։