«Բորուսիան» հաղթեց «Լայպցիգին», «Բավարիան»՝ Գերմանիայի չեմպիոն (տեսանյութ)

19:30   8 մայիսի, 2021

Մյունխենի «Բավարիան» ժամանակից շուտ ապահովեց ֆուտբոլի Գերմանիայի չեմպիոնի տիտղոսը:

Գերմանիայի առաջնության 32-րդ տուրում երկրորդ տեղում գտնվող «Լայպցիգը» հյուրընկալվելիս 2:3 հաշվով պարտվեց Դորտմունդի «Բորուսիային» և զրկվեց առաջատար «Բավարիային» հասնելու հնարավորությունից: Դորտմունդցիներից դուբլի հեղինակ դարձավ անգլիացի կիսապաշտպան Ջեյդոն Սանչոն:

Առաջնության ավարտից 2 տուր առաջ մեկ հանդիպում պակաս անցկացրած «Բավարիան» ունի 71 միավոր, իսկ «Լայպցիգը» 64 միավորով երկրորդն է: Դորտմունդի «Բորուսիան» 58 միավորով բարձրացավ չորրորդ տեղ:

«Բավարիան» 31-րդ անգամ դարձավ Գերմանիայի չեմպիոն: Մյունխենցիները 9-րդ տարին անընդմեջ նվաճեցին չեմպիոնի տիտղոսը և Եվրոպայի թոփ-5 լիգաներում այդ ցուցանիշով կրկնեցին Թուրինի «Յուվենտուսի» ռեկորդը:

«Հոֆենհայմը» սեփական խաղադաշտում 4:2 հաշվով կամային հաղթանակ տարավ Գելզենկիրխենի «Շալկեի» նկատմամբ: Առաջին խաղակեսից հետո հյուրերն ունեին 2 գոլի առավելություն, սակայն ընդմիջումից հետո «Հոֆենհայմը» խփեց 4 գոլ: Հայաստանի ազգային հավաքականի հարձակվող Սարգիս Ադամյանը «Հոֆենհայմի» կազմում փոխարինման դուրս եկավ ընդմիջմանը: 62-րդ րոպեին նա ստացավ դեղին քարտ: «Հոֆենհայմը» 39 միավորով 11-րդն է:

Գերմանիայի առաջնություն, 32-րդ տուր

«Բորուսիա Դ.» - «Լայպցիգ»՝ 3:2 (տեսանյութ)

Մարկո Ռոյս, 7, Ջեյդոն Սանչո, 51, 87 – Լուկաս Կլոստերման, 63, Դանի Օլմո, 77

«Հոֆենհայմ» - «Շալկե»՝ 4:2

Անդրեյ Կրամարիչ, 47, Կևին Ակպոգումա, 52, Կրիստոֆ Բաումգարտներ, 60, Իհլաս Բեդու, 64 – Մաքս Ութ, 12, Շկոդրան Մուստաֆի, 42

«Վոլֆսբուրգ» - «Ունիոն Բեռլին»՝ 3:0

Յոսիպ Բրեկալո, 12, 63, 90

«Վերդեր» - «Բայեր»՝ 0:0

Հեռացում՝ Էրեն Դինկչի, 90+4 («Վերդեր»)



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։