Հայաստանի թիավարները մեկնում են օլիմպիական վարկանիշային մրցաշարերի
19:11 7 մայիսի, 2021Հայաստանի ներկայացուցիչները մայիսի 12-13–ին կմասնակցեն Հունգարիայի Ցեգետ քաղաքում անցկացվելիք թիավարության բայդարկա և կանոե մրցաձևերի օլիմպիական վարկանիշային մրցաշարին, հաղորդում է ՀԱՕԿ լրատվականը:
Մինչեւ այդ մարզաձևի միջազգային ֆեդերացիան եվրոպական երկրների մարզիկների համար մայիսի 8–ից կկազմակերպի ուսումնամարզական հավաք: Հայաստանից կմասնակցեն մեկտեղանոց կանոեի ներկայացուցիչ Արա Վիրաբյանը, բայդարկավարներ Էդգար Թությանը և Վլադիմիր Ալավերդյանը: Նրանց մայիսի 11–ին կմիանան բայդարկավար Ռադե Պեդիչը (ծնվել, մեծացել և ապրում է Երևանում) և ավագ մարզիչ Մարտիրոս Շահվալադյանը:
Օլիմպիական ուղեգիր կստանան առաջին քառյակներում տեղ գրաված թիավարները:
Վարկանիշային մրցաշարի ավարտից հետո Ցեգետ քաղաքում Հայաստանի պատվիրակները կմասնակցեն մայիսի 15–ին մեկնարկելիք աշխարհի գավաթի խաղարկությանը:
Հունգարիայից Արա Վիրաբյանը եւ Էդգար Թությանը մարզիչ Շահվալադյանի հետ կմեկնեն Բառնաուլ, որտեղ անցկացվելիք վարկանիշային մրցաշարում դարձյալ կմրցեն օլիմպիական ուղեգրերի համար:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.