Laureus. Տարվա լավագույն մարզիկը, մարզուհին ու թիմը
10:11 7 մայիսի, 2021Աշխարհի երկրորդ ռակետ, իսպանացի թենիսիստ Ռաֆայել Նադալը Laureus-ի վարկածով ճանաչվել է տարվա լավագույն մարզիկ: Նա այդ մրցանակին արժանացել էր նաև 2011 թվականին:
Նախորդ տարի իսպանացին 13-րդ անգամ նվաճել էր «Ռոլան Գարոսի» հաղթողի կոչումը: Laureus World Sports Awards-ի մրցույթում Նադալն առաջ է անցել Մյունխենի «Բավարիայի» լեհ ֆուտբոլիստ Ռոբերտ Լևանդովսկուց, «Լոս Անջելես Լեյքերսի» ամերիկացի բասկետբոլիստ Լեբրոն Ջեյմսից, Ֆորմուլա-1-ի 7-ակի չեմպիոն, «Մերսեդեսի» բրիտանացի ավտոարշավորդ Լյուիս Հեմիլթոնից, ձողացատկի աշխարհի ռեկորդակիր, շվեդ Արման Դյուպլանտիսից և 10 հազար մետր վազքի աշխարհի ռեկորդակիր, ուգանդացի Ջոշուա Կիպրուի Չեպտեգեից։
Տարվա լավագույն մարզուհի է ճանաչվել ճապոնացի թենիսիստուհի Նաոմի Օսական, որը նախորդ տարի հաղթել էր US Open-ում:
Տարվա լավագույն թիմ է ճանաչվել Մյունխենի «Բավարիան», որը Հանս-Դիտեր Ֆլիկի գլխավորությամբ դարձել էր Գերմանիայի չեմպիոն, գավաթակիր, սուպերգավաթակիր, Չեմպիոնների լիգայի հաղթող, Եվրոպայի սուպերգավաթակիր, աշխարհի ակումբային չեմպիոն։
The 2021 Laureus World Team of the Year is....@FCBayern pic.twitter.com/6aO68jzG2D
— Laureus (@LaureusSport) May 6, 2021
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.