Համբարձումյանի գոլն օգնել է «Անորտոսիսին» ԱԵԼ-ի դեմ խաղում՝ 2։1

23:10   5 մայիսի, 2021

Ֆուտբոլի Կիպրոսի առաջնության 35-րդ տուրի խաղում «Անորտոսիսը» հյուրընկալվել է Լիմասոլի ԱԵԼ-ին։ Չեմպիոնական խմբի թիմերի պայքարում 2։1 հաշվով առավելության է հասել «Անորտոսիսը», որի կազմում 44-րդ րոպեին գոլի հեղինակ է դարձել Հայաստանի հավաքականի պաշտպան Հովհաննես Համբարձումյանը։

Դա 30-ամյա ֆուտբոլիստի երկրորդ գոլն էր Կիպրոսի ընթացիկ առաջնությունում:

«Անորտոսիսը» 57 միավորով գրավեց չորրորդ տեղը, ԱԵԼ-ը երրորդն է՝ 68 միավոր։

Առաջնության ավարտին մնացել է մեկ տուր։ Չեմպիոնի կոչումն ապահովել է «Օմոնիան»՝ 78 միավոր։ Փոխչեմպիոնը «Ապոլոնն» է՝ 73 միավոր։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։