«Տոտենհեմը» դիտարկում է Սարիի եւ Գասպերինիի թեկնածությունները

20:12   5 մայիսի, 2021

Լոնդոնի «Տոտենհեմը» գլխավոր մարզիչի պաշտոնում դիտարկում է իտալացիներ Մաուրիցիո Սարիի եւ Ջան Պիերո Գասպերինիի թեկնածությունները։

Եվրոպայի առաջատար գործակալներից մեկն արդեն տեղյակ է պահել իտալական «Ատալանտայի» գլխավոր մարզիչին անգլիական ակումբի հետաքրքրության մասին եւ ստացել է դրական պատասխան,  հաղորդում է Football Italia–ն։

Գասպերինիի պայմանագիրն «Ատալանտայի» հետ նախատեսված է մինչեւ 2022թ. հունիս։

Մաուրիցիո Սարին Թուրինի «Յուվենտուսից» հեռանալուց հետո դեռ մարզչական աշխատանք չունի։

Հիշեցնենք, որ 2019-ի նոյեմբերից «Տոտենհեմը» գլխավորում էր 58-ամյա Ժոզե Մոուրինյոն, որը պաշտոնանկ արվեց ապրիլի 19-ին:

Մինչև այս մրցաշրջանի ավարտը անգլիական թիմի գլխավոր մարզիչի պաշտոնակատար է նշանակվել նախկին ֆուտբոլիստ, 29–ամյա անգլիացի Ռայան Մեյսոնը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։