«Աստանայի» ու Հայաստանի ազգային հավաքականի պաշտպան Վարազդատ Հարոյանն Instat-ի վարկածով ճանաչվել է «Ակտոբեի» դեմ ֆուտբոլի Ղազախստանի առաջնության 9-րդ տուրի հանդիպման լավագույն ֆուտբոլիստ: Այդ խաղում «Աստանան» հաղթել էր 2:0 հաշվով, իսկ Հարոյանը մեկնարկային հանդես էր եկել առանց փոխարինման և կատարեց գոլային փոխանցում: Նա մասնակցել էր նաև մյուս գոլի գրոհին:
«Գոլային փոխանցումից բացի, Հարոյանը 2 թիմերում լավագույնն էր հաղթած մենապայքարների (այդ թվում՝ երկրորդ հարկում) ցուցանիշով»,- հայ ֆուտբոլիստի մասին գրում է աղբյորը:
Հիշեցնենք, որ «Աստանայի» հարձակվող Տիգրան Բարսեղյանը մեկնարկային կազմում խաղացել էր 85 րոպե և ստացել նաև դեղին քարտ: Նա ճանաչվել է հանդիպման երրորդ լավագույն խաղացող:
Երևանի «Փյունիկի» և «Ուրարտուի» նախկին պաշտպան Արմեն Մանուչարյանն «Ակտոբեի» կազմում անցկացրել էր ամբողջ հանդիպումը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։