Պաշտոնական․ Ժոզե Մոուրինյոն կգլխավորի «Ռոման»

17:20   4 մայիսի, 2021

«Ռոման» հայտարարեց պորտուգալացի Ժոզե Մոուրինյոյի հետ համաձայնության հասնելու մասին։

Լոնդոնի «Տոտենհեմից» հեռացված պորտուգալացի մասնագետը ամռանը հռոմեական թիմի գլխավոր մարզիչի պաշտոնում կփոխարինի պորտուգալացի Պաուլու Ֆոնսեկային, որի հետ պայմանագիրը չերկարաձգելու մասին իտալական ակումբը հայտարարել էր մի քանի ժամ առաջ։

Ֆոնսեկայի պայմանագրի ժամկետը լրանում է հունիսի 30-ին: 48-ամյա Ֆոնսեկան 2019 թվականի հունիսի 1-ից է գլխավորում «Ռոման», որն Իտալիայի առաջնության 34-րդ տուրից հետո 55 միավորով 7-րդ տեղում է և զրկվել է մրցաշրջանը լավագույն քառյակում ավարտելու հնարավորությունից։ Եվրոպայի լիգայի կիսաեզրափակիչի առաջին խաղում մայրաքաղաքյին թիմը 2:6 հաշվով պարտվել է անգլիական «Մանչեսթեր Յունայթեդին»:

«Ռոման» բոլոր մրցաշարերում չի հաղթել 6 խաղ անընդմեջ՝ կրելով 4 պարտություն:

58-ամյա Մոուրինյոն ապրիլի 19-ին էր հեռացվել «Տոտենհեմից»: Մարզիչը 2019-ի նոյեմբերից էր գլխավորում անգլիական ակումբը, որը նրա գլխավորությամբ բոլոր մրցաշարերում անցկացրել է 86 հանդիպում, տարել 44 հաղթանակ, կրել 23 պարտություն ու գրանցել 19 ոչ ոքի:

Մոուրինյոն բրիտանական talkSPORT ռադիոկայանի համար հունիսին կմեկնաբանի Եվրո-2020-ի հանդիպումները:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։