Գվարդիոլա. Կձգտենք թելադրել մեր խաղը ՊՍԺ–ին

22:15   3 մայիսի, 2021

Անգլիական «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան խոսել է փարիզյան ՊՍԺ–ի դեմ Չեմպիոնների լիգայի կիսաեզրափակիչի պատասխան հանդիպումից իր սպասումների մասին։

«ՊՍԺ–ն հրաշալի թիմ է, որը հաղթանակի համար կարող է անել անսպասելին։ Իհարկե, ես գիտեմ, թե ինչ հնարավորություններ ունի մրցակիցը, բայց գիտեմ, որ մենք կարող ենք հրաշալի խաղալ։ Մեզ սպասվում են նույն վտանգները, ինչ առաջին խաղում։

Նրանք կարող են փոխել դասավորությունը։ ՊՍԺ–ն ունի շատ խելացի մարզիչ, եւ ես չգիտեմ, թե ինչ են նրանք անելու։ Մենք երբեք չէինք հասել կիսաեզրափակիչ։ Եզրափակիչ դուրս գալու մեր ցանկությունը հասկանալի է։

Մենք կձգտենք թելադրել մեր խաղը մրցակցին։ Պետք է լավ խաղալ պաշտպանությունում, լինել համբերատար եւ ձգտել գրավել մրցակցի դարպասը»,– Գվարդիոլայի խոսքը մեջբերում է ՈւԵՖԱ–ի մամուլի ծառայությունը։

«Մանչեսթեր Սիթի» – ՊՍԺ պատասխան հանդիպումը տեղի կունենա մայիսի 4–ին։ Փարիզում տեղի ունեցած առաջին խաղում 2։1 հաշվով հաղթանակ է տարել մանչեսթերյան թիմը։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։