Զինաիդա Սիմոնյանի հուշամրցաշարի հաղթողները

19:47   3 մայիսի, 2021

Երևանի հրաձգության մասնագիտացված մարզադպրոցում անցկացվեց աշխարհահռչակ հրաձգուհի, աշխարհի, Եվրոպայի, ԽՍՀՄ առաջնությունների բազմակի ոսկե մեդալակիր և ռեկորդակիր Զինաիդա Սիմոնյանի ավանդական հուշամրցաշարը:

Օդամղիչ հրացանով 10 մ հեռավորությունից հաղթող դարձան Վրեժ Թորոսյանը և Ալլա Պողոսյանը:

Օդամղիչ ատրճանակ մրցաձևում է հանդես եկել Զինաիդա Սիմոնյանը: Այդ կարգում առաջինն էին Նորայր Առաքելյանն ու Էլմիրա Կարապետյանը, հաղորդում է ՀԱՕԿ լրատվականը:

Վազող թիրախ մրցաձևում լավագույն էին Հովհաննես Մարգարյանը և Լիլիթ Մկրտչյանը:

Հայաստանի հավաքականի գլխավոր մարզիչ Սեյրան Նիկողոսյանն ասաց, որ Հայաստանի թիմը մայիսի 7–20–ը ուսումնամարզական հավաքի կմեկնի Խորվաթիայի Օսիեկ քաղաք: Դրանից հետո նույն քաղաքում նախատեսված է Եվրոպայի վարկանիշային առաջնությունը, որին կմասնակցեն Հայաստանի 7 ներկայացուցիչներ:

Հուշամրցաշարի եզրափակիչին ներկա էր և մրցելույթներին հետևեց ՀԱՕԿ նախագահ Գագիկ Ծառուկյանը, որը մարզաձևի հանրապետական ֆեդերացիայի նախագահ Արթուր Հովհաննիսյանին շնորհեց ՀԱՕԿ–ի բարձրագույն պարգևը՝ ոսկե շքանշան:  



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։