Միլանի «Ինտերը» ժամանակից շուտ նվաճեց ֆուտբոլի Իտալիայի չեմպիոնի տիտղոսը: Դա հայտնի դարձավ Իտալիայի առաջնության 34-րդ տուրում տեղի ունեցած «Սասուոլո» - «Ատալանտա» խաղից հետո: Հանդիպումն ավարտվեց 1:1 հաշվով և «Ատալանտան» կորցրեց առաջատար «Ինտերին» հասնելու շանսերը:
Անտոնիո Կոնտեի գլխավորած թիմն ունի 82 միավոր և առաջնության ավարտից 4 տուր առաջ 13-ական միավոր առաջ է 2-3-րդ տեղերը բաժանող «Միլանից» ու «Ատալանտայից»:
Հիշեցնենք, որ 2011/2012թթ. մրցաշրջանից հետո Թուրինի «Յուվենտուսն» առաջին անգամ չի նվաճում Իտալիայի չեմպիոնի տիտղոսը:
«Ինտերը» պատմության մեջ 19-րդ անգամ է դառնում Իտալիայի չեմպիոն: Նախորդ անգամ միլանյան ակումբն Իտալիայի առաջնությունում հաղթել էր 2009/2010 մրցաշրջանում:
«Յուվենտուսն» «Ինտերին» շնորհավորել է չեմպիոնության առթիվ:
Well done to @Inter_en on winning the 2020/21 Serie A title.
— JuventusFC (@juventusfcen) May 2, 2021
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։