Ֆուտբոլի Իտալիայի առաջնության 34-րդ տուրում առաջատար «Ինտերը» մրցակցի խաղադաշտում 2:0 հաշվով հաղթեց հետնապահ «Կրոտոնեին»: Միլանյան ակումբի գոլերը երկրորդ խաղակեսում խփեցին դանիացի կիսապաշտպան Կրիստիան Էրիկսենը և մարոկկացի պաշտպան Արշաֆ Հակիմին։
Անտոնիո Կոնտեի գլխավորած թիմը միավորների քանակը հասցրեց 82-ի և 14 միավորի առավելություն ունի երկրորդ տեղում գտնվող և մեկ հանդիպում պակաս անցկացրած «Ատալանտայի» նկատմամբ: «Կրոտոնեն» մրցաշարային աղյուսակը եզրափակում է 19 միավորով և զրկվեց A Սերիայում տեղը պահպանելու հնարավորությունից:
66 միավորով 5-րդ տեղում գտնվող Թուրինի «Յուվենտուսը» զրկվեց չեմպիոնի տիտղոսը պաշտպանելու հնարավորությունից: 2011/2012թթ. մրցաշրջանից հետո «Յուվենտուսն» առաջին անգամ չի նվաճի Իտալիայի չեմպիոնի տիտղոսը:
Իտալիայի առաջնություն, 34-րդ տուր
«Կրոտոնե» - «Ինտեր»՝ 0:2 (տեսանյութ)
Կրիստիան Էրիկսեն, 69, Արշաֆ Հակիմի, 90+3
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։