New In Chess Classic. Կարլսենը հաղթեց Արոնյանին և դուրս եկավ եզրափակիչ
00:49 1 մայիսի, 2021Լևոն Արոնյանը չհաղթահարեց շախմատի աշխարհի չեմպիոն Մագնուս Կարլսենի Champions Chess Tour-ի հերթական օնլայն մրցաշարի՝ New In Chess Classic-ի կիսաեզրափակիչի արգելքը:
Կիսաեզրափակիչի երկրորդ խաղային օրը հայ գրոսմայստերը 1:3 հաշվով պարտվեց Մագնուս Կարլսենին, որը նվաճեց եզրափակիչի ուղեգիր: Առաջին և երկրորդ պարտիաներում գրանցվեց ոչ ոքի, իսկ երրորդում ու չորրորդում հաղթեց նորվեգացի գրոսմայստերը: Առաջին խաղային օրն ավարտվել էր 2:2 հաշվով:
Մյուս կիսաեզրափակիչում ԱՄՆ-ի ներկայացուցիչ Հիկարու Նակամուրան ուժեղ գտնվեց ադրբեջանցի Շաքրիյար Մամեդյարովից:
Արոնյանը և Մամեդյարովը կհանդիպեն երրորդ տեղի համար մրցամարտում:
Հիշեցնենք, որ քառորդ եզրափակիչում հայ գրոսմայստերը պայքարից դուրս էր թողել ամերիկացի Ուեսլի Սոյին:
Մրցաշարի հաղթողը հայտնի կդառնա մայիսի 2-ին։ Մրցանակային հիմնադրամը 100 հազար դոլար է։ Առաջին տեղ գրաված շախմատիստը կստանա 30 հազար դոլար, երկրորդը՝ 15 հազար, երրորդը՝ 8500:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։