Ձյուդոյի Եվրոպայի չեմպիոն Ֆերդինանդ Կարապետյանը (73 կգ) Հայաստանի հավաքականի գլխավոր մարզիչ Հովհաննես Դավթյանի հետ մասնակցում է Նիդերլանդների Պապենդալ քաղաքում անցկացվող Եվրոպայի ձյուդոյի միության կողմից կազմակերպված Օլիմպիական մարզումային ճամբարին, hաղորդում է ՀՁՖ-ի մամուլի ծառայությունը:
Ուսումնամարզական հավաքի ավարտից հետո նրանք կմեկնեն Ռուսաստանի Կազան քաղաք, որտեղ կմասնակցեն «Մեծ սաղավարտ» միջազգային վարկանիշային մրցաշարին։ Կազանի մրցաշարը նախավերջինն է Տոկիո-2020 Օլիմպիական խաղերի որակավորման համար, իսկ որակավորման փուլը կավարտվի հունիսին՝ Բուդապեշտում կայանալիք աշխարհի առաջնությամբ։
Հիշեցնենք, որ Ֆերդինանդ Կարապետյանը Հայաստանի միակ ձյուդոիստն է, որը պահպանում է Տոկիոյի Օլիմպիական խաղերի ուղեգիր նվաճելու շանսերը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։