Տեղի է ունեցել Հայաստանի ֆուտբոլի ֆեդերացիայի կարգապահական և էթիկայի կոմիտեի նիստը` ՀՖՖ Կարգապահական և էթիկայի կոմիտեի նախագահ Կարեն Հովհաննիսյանի նախագահությամբ, hաղորդում է ՀՖՖ մամուլի ծառայությունը:
«Ալաշկերտի» նախագահ Բագրատ Նավոյանը «Նոայի» դեմ Հայաստանի Պրեմիեր լիգայի 26-րդ տուրի հանդիպումից (0:1) հետո ներխուժել է մրցավարների հանդերձարան՝ խաղի մրցավարության հետ կապված դժգոհությունը արտահայտելու համար։ Խոսակցության ընթացքում Բագրատ Նավոյանը մրցավարների հասցեին արել է որոշ արտահայտություններ, որոնք իրենց մեջ վիրավորական տարրեր էին պարունակում։ Միջադեպի համար «Ալաշկերտը» տուգանվել է 100000 դրամով:
«Նոան» իր հերթին 100000 դրամով տուգանվել է թիմի գլխավոր մարզիչ Դմիտրի Գունկոյի հեռացման ու ոչ մարզական վարքի համար:
Կարգապահական և էթիկայի կոմիտեի նիստի ամբողջական արձանագրությունը կարող եք տեսնել այստեղ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։