Մադրիդի «Աթլետիկոն» պարտվեց Բիլբաոյում (տեսանյութ)

00:53   26 ապրիլի, 2021

Իսպանիայի առաջնության 32-րդ տուրում Բիլբաոյի «Աթլետիկն» ընդունեց առաջատար Մադրիդի «Աթլետիկոյին» եւ պարտության մատնեց 2։1 հաշվով։

Դաշտի տերերն արդեն 8-րդ րոպեին բացեցին խաղի հաշվը։ Իսպանացի հարձակվող Ալեխանդրո Բերենգերը գրավեց մրցակցի դարպասը։ 77-րդ րոպեին «Աթլետիկոն» խփեց պատասխան գոլը։ Աչքի ընկավ չեռնոգորիացի պաշտպան Ստեֆան Սավիչը։ «Աթլետիկի» հաղթական գոլը 86-րդ րոպեին խփեց իսպանացի պաշտպան Ինյիգո Մարտինեսը։

«Աթլետիկոն» շարունակում է գխավորել մրցաշարային աղյուսակը՝ 73 միավոր։ Երկրորդ եւ երրորդ տեղերում ընթացող «Ռեալն» ու «Բարսելոնան» ունեն 71-ական միավոր։ «Աթլետիկը» 10-րդն է՝ 41 միավոր։

Իսպանիայի առաջնություն, 32-րդ տուր

«Աթլետիկ» - «Աթլետիկո Մադրիդ»՝ 2։1 (տեսանյութ)

Ալեխանդրո Բերենգեր, 8, Ինյիգո Մարտինես, 86 – Ստեֆան Սավիչ, 77



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։