«Մանչեսթեր Յունայթեդը» հաղթեց եւ 8 միավոր է հետ առաջատարից (տեսանյութ)
20:52 18 ապրիլի, 2021Անգլիայի առաջնության 32-րդ տուրում «Մանչեսթեր Յունայթեդն» «Օլդ Տրաֆորդ» ստադիոնում մրցեց «Բարնլիի» հետ։ Նորվեգացի Ուլե-Գունար Սուլշերի գլխավորած թիմը հաղթեց 3։1 հաշվով
48-րդ րոպեին հանդիպման հաշիվը բացեց մանչեսթերյան թիմի անգլիացի հարձակվող Մեյսոն Գրինվուդը։ 2 րոպե անց հյուրերը վերականգնեցին հավասարությունը անգլիացի պաշտպան Ջեյմս Տարկովսկու գոլի շնորհիվ։ «Մանչեսթեր Յունայթեդի» երկրորդ գոլը 84-րդ րոպեին խփեց Գրինվուդը՝ ձեւակերպելով դուբլ։ Դաշտի տերերի առավելությունը մեծացրեց ուրուգվայցի հարձակվող Էդինսոն Կավանին։
«Մանչեսթեր Յունայթեդը» 66 միավորով երկրորդն է եւ առաջատար «Մանչեսթեր Սիթիից» հետ է 8 միավոր։ «Բարնլին» 17-րդն է՝ 33 միավոր։
Անգլիայի առաջնություն, 32-րդ տուր
«Մանչեսթեր Յունայթեդ» - «Բարնլի»՝ 3։1 (տեսանյութ)
Մեյսոն Գրինվուդ, 48, 84, Էդինսոն Կավանի, 90+3 - Ջեյմս Տարկովսկի, 50
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։