Հունահռոմեական ոճի ըմբշամարտի Օլիմպիական խաղերի փոխչեմպիոն, խառը մենամարտերի մարզիկ Միհրան Հարությունյանը շքանշան է ստացել Ռուսաստանի հայերի միությունից։
«Այսօր ստացա «Ոսկե խաչ» շքանշան Ռուսաստանի հայերի միությունից։ Շնորհակալություն ուշադրության եւ վերաբերմունքի համար։ Սփյուռքը պետք է կարեւոր դեր խաղա Հայաստանի զարգացման մեջ, ներուժը պետք է օգտագործվի բոլոր բնագավառներում։
Հիմա, ցավոք, սփյուռքի ճանապարհը Հայաստանում դժվարին է եւ հաճախ փակ է։ Մենք պետք է ոչ թե խոսքով, այլ գործով ստեղծենք միասնական հարթակ՝ Հայաստան - Արցախ - Սփյուռք։ Մենք տարանջատում չունենք, բոլորս հայ ենք, պետք է օգտակար լինենք մեր պատմական հայրենիքին։
Եղեք պրոֆեսիոնալ եւ ունեցեք ակտիվ քաղաքացիական դիրքորոշում։ Այդ ժամանակ մեզ մոտ ամեն ինչ կստացվի»,- գրել է Միհրան Հարությունյանն Ինստագրամում։
Հիշեցնենք, որ ապրիլի 6-ին Միհրան Հարությունյանը 5-րդ մենամարտն էր անցկացրել խառը մենամարտերում եւ պարտության մատնել ռուսաստանցի Ախմեդխան Ախմեդովին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։