Ճապոնացիների մոտ 75 տոկոսը կողմ է այս ամռանը նախատեսված Տոկիոյի Օլիմպիական խաղերի չեղարկմանը կամ հետաձգմանը։ Հարցումն անցկացրել է Kyodo գործակալությունը։
Հարցվածների 39,2 տոկոսն արտահայտվել է Խաղերի չեղարկման, 32,8 տոկոսը՝ եւս մեկ տարով հետաձգման օգտին։ Ճապոնացիների 24,5 տոկոսն է կողմ այս ամռանը Խաղերի անցկացմանը։
2020 թվականի ամռանը նախատեսված Տոկիոյի Խաղերը կորոնավիրուսի համավարակի հետեւանքով հետաձգվեց մեկ տարով եւ կանցկացվի հուլիսի 23-ից օգոստոսի 8-ը։
Խաղերը կշարունակվեն կոչվել Տոկիո-2020։ Ճապոնիայի կառավարության, Խաղերի կազմկոմիտեի եւ Միջազգային օլիմպիական կոմիտեի համաձայնությամբ օտարերկրացի երկրպագուներին կարգելվի Խաղերին հետեւելու նպատակով ժամանել Տոկիո։ Մրցումների արդեն գնված տոմսերը կվերադարձվեն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։