«Ռոմայի» գլխավոր մարզիչ Պաուլու Ֆոնսեկան հրապարակել է թիմի հայտացուցակը «Բոլոնիայի» դեմ Իտալիայի առաջնության 30-րդ տուրի հանդիպման համար:
Հայտացուցակում տեղ են գտել 23 ֆուտբոլիստներ, այդ թվում՝ Հայաստանի ազգային հավաքականի կիսապաշտպան Հենրիխ Մխիթարյանը: 32-ամյա ֆուտբոլիստը վնասվածքից վերականգնվելուց հետո առաջին անգամ է ընդգրկվել «Ռոմայի» հայտացուցակում:
«Ռոմայի» գլխավոր մարզիչ Պաուլու Ֆոնսեկան նախախաղային ասուլիսում նշել է, որ Մխիթարյանը հանդիպումը կսկսի պահեստայինների նստարանից: Պորտուգալացի մարզիչը նաև հայտնել է, որ ապրիլի 10-ին հայ ֆուտբոլիստը մարզվել է ընդհանուր խմբի հետ:
«Ռոմա» - «Բոլոնիա» հանդիպմանը տեղի կունենա ապրիլի 11-ին և կսկսվի Երևանի ժամանակով 20:00-ին:
Հիշեցնենք, որ Հենրիխ Մխիթարյանն ուկրաինական «Շախտյորի» դեմ Եվրոպայի լիգայի 1/8 եզրափակիչի առաջին խաղում ստացած վնասվածքի պատճառով մարտի 12-ից բացակայում է խաղադաշտից: Ընթացիկ մրցաշրջանում հայ կիսապաշտպանը բոլոր մրցաշարերում «Ռոմայի» կազմում անցկացրել է 34 հանդիպում, դարձել 11 գոլի ու 10 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։