Ֆուտբոլի Անգլիայի առաջնության 31-րդ տուրում առաջատար «Մանչեսթեր Սիթին» սեփական խաղադաշտում 1:2 հաշվով անակնկալ պարտություն կրեց «Լիդսից», որն ամբողջ երկրորդ խաղակեսն անցկացրեց 10 խաղացողներով և հաղթական գոլը խփեց ավելացված ժամանակում:
Խաղի հաշիվը 42-րդ րոպեին բացեց «Լիդսի» հյուսիսիռլանդացի պաշտպան Ստյուարտ Դալասը, որի գոլից քիչ անց դաշտից հեռացվեց նրա ակումբակից Լիամ Կուպերը:
76-րդ րոպեին մանչեսթերցիները հավասարեցրին հաշիվն իսպանացի հարձակվող Ֆերան Տորեսի գոլի շնորհիվ, սակայն ավելացված ժամանակում Ստյուարտ Դալասը դարձավ նաև դուբլի հեղինակ՝ հաղթանակ պարգևելով հյուրերին:
Խոսեպ Գվարդիոլայի գլխավորած թիմն ունի 74 միավոր և 14 միավոր առաջ է երկրորդ տեղում գտնվող «Մանչեսթեր Յունայթեդից», որը 2 հանդիպում պակաս է անցկացրել: «Լիդսը» 45 միավորով 9-րդն է:
Անգլիայի առաջնություն, 31-րդ տուր
«Մանչեսթեր Սիթի» - «Լիդս»՝ 1:2 (տեսանյութ)
Ֆերան Տորես, 76 - Ստյուարտ Դալաս, 42, 90+1
Հեռացում՝ Լիամ Կուպեր, 45+1 («Լիդս»)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։