Չեմպիոնների լիգա․ Առաջին խաղակեսերից հետո (տեսանյութ)

23:46   6 ապրիլի, 2021

Չեմպիոնների լիգայում մեկնարկել են քառորդ եզրափակիչի առաջին հանդիպումները։

Անգլիայի Պրեմիեր լիգայի առաջատար «Մանչեսթեր Սիթին» տանը մրցում է Դորտմունդի «Բորուսիայի» հետ։ Առաջին խաղակեսից հետո 1։0 հաշվով հաղթում է կատալոնացի Խոսեպ Գվարդիոլայի գլխավորած թիմը։

19-րդ րոպեին ալժիրցի հարձակվող Ռիյադ Մահրեզի փոխանցումից հետո աչքի ընկավ բելգիացի կիսապաշտպան Կեւին Դե Բրույնեն։

Մադրիդում Իսպանիայի չեմպիոն «Ռեալն» ընդունել է Անգլիայի չեմպիոն «Լիվերպուլին»։ Առաջին խաղակեսում հաջողության հասան դաշտի տերերը՝ 2։0։

Ֆրանսիացի Զինեդին Զիդանի ղեկավարած թիմի կազմում խաղի հաշիվը բացեց բրազիլացի հարձակվող Վինիսիուս Ժունիորը, որը 27-րդ րոպեին օգտագործեց գերմանացի կիսապաշտպան Տոնի Կրոսի փոխանցումը։ 36-րդ րոպեին Արքայական ակումբի առավելությունը կրկնապատկեց իսպանացի կիսապաշտպան Մարկո Ասենսիոն։

Ընդմիջում է։

Չեմպիոնների լիգա, քառորդ եզրափակիչ, առաջին հանդիպում, առաջին խաղակես

«Մանչեսթեր Սիթի» (Անգլիա) - «Բորուսիա Դ» (Գերմանիա)՝ 1։0 (տեսանյութ)

Կեւին Դե Բրույնե, 19

«Ռեալ Մադրիդ» (Իսպանիա) - «Լիվերպուլ» (Անգլիա)՝ 2։0 (տեսանյութ)

Վինիսիուս Ժունիոր, 27, Մարկո Ասենսիո, 36



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։