Միհրան Հարությունյանը Մոսկվայում հաղթեց Ախմեդխան Ախմեդովին

21:08   6 ապրիլի, 2021

Հունահռոմեական ոճի ըմբշամարտի Օլիմպիական խաղերի փոխչեմպիոն, խառը մենամարտերի մարզիկ Միհրան Հարությունյանը 5-րդ մենամարտն անցկացրեց MMA-ում եւ տարավ չորրորդ հաղթանակը։

Մոսկվայում ընթացող Eagles FC 35 մրցաշարում Հարությունյանը մրցեց ռուսաստանցի Ախմեդխան Ախմեդովի հետ եւ մենամարտն ավարտեց ժամանակից շուտ՝ 3 րոպե 17 վայրկյանում։

Միհրան Հարությունյանը դահլիճ մտավ Մոնթե Մելքոնյանի հայտնի խոսքերի ներքո՝ «Պետք է հիմա մեր ամբողջ ուժը դնենք այս գործի մեջ, հաղթենք...»:

Նրան ուղեկցում էր նաեւ հայկական տարազ հագած պարային խումբ, որը «Բերդ» պարեց նախքան Հարությունյանի ութանկյուն մտնելը: Միհրան Հարությունյանի մարտավկան MMA մարտիկ Էդուարդ Վարդանյանն էր:

Մենամարտի մեկնարկում ութանկյան մրցավարը -1 միավոր տվեց Միհրան Հարությունյանին ագրեսիվ վարք դրսեւորելու համար, բայց դա Միհրանին չխանգարեց առաջին վայրկյաններից մենամարտը վերցնել իր ձեռքը: Գցում ապա խեղդող հնարքով Հարությունյանը առավելություն ստացավ, ապա հարվածաշարով ժամանակից շուտ տեխնիկական նոկաուտ գրանցեց: Մենամարտը կանգնեցրեց ութանկյան մրցավարը:

25-ամյա Ախմեդովը նախքան այս, MMA-ում անցկացրել էր 6 մենամարտ, տարել 3 հաղթանակ ու կրել 3 պարտություն:

Հիշեցնենք, որ MMA-ում 32-ամյա Միհրան Հարությունյանը սրանից առաջ անցկացրած 4 մենամարտերից 3-ում հաղթել էր, 1-ում պարտվել: Նա նախորդ մենամարտն անցկացրել էր 2019 թվականի հոկտեմբերին` պարտվելով  ղազախ Զասուլան Ակիմժանին:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։