Գերմանիայի դատախազությունը մեղադրանք կառաջադրի Բեռնի Էքլսթոունի դեմ

Մյունխենի դատախազությունը մտադիր է մեղադրանք առաջադրել Ֆորմուլա 1-ի գլխավոր մենեջեր Բեռնի Էքլսթոունին պաշտոնատար անձի կաշառք տալու համար: Բրիտանացին ներգրաված է կոռուպցիոն սկանդալի մեջ նախկին բանկիր Գերհարդ Գրիբկովսկիի հետ: Վերջինս մեղադրվել է Էքլսթոունից բազմամիլիոնանոց (44 միլիոն դոլար) կաշառք ստանալու մեջ Ֆորմուլա 1-ի առեւտրական իրավունքները CVC հիմնադրամին փոխանցելու գործընթացի ժամանակ:

Էքլսթոունը պնդում է, որ Գրիբկովսկին ստիպել է իրեն վճարել այդ գումարը:

Արդյունքում Գրիբկովսկին դատապարտվել էր 8.5 տարվա ազատազրկման, իսկ Էքլսթոունը ճանաչվել էր որպես կաշառատու, սակայն նրան դեռեւս մեղադրանք չի առաջադրվել, հայտնում է Suddeutsche Zeitung-ը: