Կապառոս․ Դուք ամեն ինչ տվեցիք ձեր թիմակիցների եւ ձեր երկրի համար

Ֆուտբոլի Հայաստանի ազգային հավաքականի իսպանացի գլխավոր մարզիչ Խոակին Կապառոսը Ինստագրամում արձագանքել է աշխարհի առաջնության ընտրական մրցաշարի երրորդ տուրում Ռումինիայի հավաքականի նկատմամբ 3։2 հաշվով հաղթանակին։

«Դուք պայքարեցինք սկզբից մինչեւ վերջ եւ ամեն ինչ տվեցինք ձեր թիմակիցների եւ ձեր երկրի համար։ Դուք բոլորից շատ եք արժանի հաղթանակի։ Շատ երջանիկ ենք, որ եւս մեկ հաղթանակ պարգեւեցինք մեր երկրպագուներին»,- գրել է Խոակին Կապառոսը։

Հիշեցնենք, որ պատմության մեջ առաջին անգամ Հայաստանի հավաքականը աշխարհի առաջնության ընտրական մրցաշարը սկսեց երեք անընդմեջ հաղթանակով եւ J խմբի առաջատարն է։ Հաջորդ տեղերում են Հյուսիսային Մակեդոնիան ու Գերմանիան, որոնք վաստակել են 6-ական միավոր։ Ընտրական փուլի հաջորդ երեք հանդիպումները տեղի կունենան սեպտեմբերին։