Խոակին Կապառոսի եւ Գեւորգ Ղազարյանի ասուլիսը (ուղիղ)
18:30 27 մարտի, 2021Ֆուտբոլի Հայաստանի ազգային հավաքականի իսպանացի գլխավոր մարզիչ Խոակին Կապառոսն ու կիսապաշտպան Գեւորգ Ղազարյանը նախախաղային մամուլի ասուլիսում պատասխանում են լրագրողների հարցերին։
Աշխարհի առաջնության ընտրական մրցաշարի երկրորդ տուրում Հայաստանի հավաքականը մարտի 28-ին Երեւանի Վազգեն Սարգսյանի անվան «Հանրապետական» ստադիոնում կընդունի Իսլանդիայի հավաքականին։
«Հիմա վերականգնողական փուլում եմ մկանային վնասվածքից հետո։ Իսլանդիայի դեմ չեմ խաղա, երկրորդ տնային խաղին հնարավոր է՝ մասնակցեմ։
Թիմում մթնոլորտը շատ լավն է, լեզվի խնդիր այնքան էլ չկա։ Ես մի քիչ խոսում եմ պորտուգալերեն։ Շատերը խոսում են ռուսերեն։
Կապառոսն առանձնանում է թիմային խաղի եւ տակտիկական գաղափարներով»,- նշեց Գեւորգ Ղազարյանը։
ԱԱ-2022-ի ընտրական փուլի առաջին տուրում Հայաստանի հավաքականը 1։0 հաշվով արտագնա հաղթանակ էր տարել Լիխտենշտեյնի հավաքականի նկատմամբ, իսկ իսլանդացիները հյուրընկալվելիս 0:3 հաշվով պարտվել էին Գերմանիայի հավաքականին:
Ֆոտո՝ ՀՖՖ
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.