Իսլանդիայի հավաքականը ձյան տակ մարզվել է «Հանրապետականում» (ֆոտո)

Ֆուտբոլի Իսլանդիայի հավաքականը Երևանի «Հանրապետական» ստադիոնում նախախաղային մարզում է անցկացրել Հայաստանի հավաքականի դեմ 2022թ. ֆուտբոլի աշխարհի առաջնության ընտրական փուլի J խմբի երկրորդ տուրի հանդիպումից առաջ:

Իսլանդացի ֆուտբոլիստները մարզվել են ձյան ներքո:

Training at the national stadium in Yerevan ahead of our @FIFAWorldCup qualifier vs @OfficialArmFF on Sunday. Feels a bit like home ... :-) pic.twitter.com/E2lUEBN8wS

— Knattspyrnusambandið (@footballiceland) March 27, 2021

ՀՖՖ-ն թվիթերյան էջում տեղադրել է մարզման տեսանյութը և կատարել հետևյալ գրառումը. «Welcome to ... home?»:

Մարզումից առաջ տեղի է ունեցել նաև Իսլանդիայի հավաքականի գլխավոր մարզիչ Արնար Վիդարսոնի և թիմ ավագ, 31-ամյա կիսապաշտպան Աարոն Գունարսոնի նախախաղային ասուլիսը, որն անցկացվել է հեռավար:

Let it snow, let it snow, let it snow (it´s in Armenia, not Iceland ...)  pic.twitter.com/4mllGWFTk3

— Knattspyrnusambandið (@footballiceland) March 27, 2021

Հայաստան - Իսլանդիա հանդիպումը տեղի կունենա Երևանի «Հանրապետական» ստադիոնում և կմեկնարկի Երևանի ժամանակով 20:00-ին: Խաղը կսպասարկեն ալբանացի մրցավարներ՝ 36-ամյա Էնեա Ջորջիի գլխավորությամբ: Էնեա Ջորջին այս մրցաշրջանում սպասարկել էր նաև «Արարատ-Արմենիայի» ու Լյուքսեմբուրգի չեմպիոն «Ֆոլայի» միջև Եվրոպայի լիգայի որակավորման երկրորդ փուլի հանդիպումը, որն անցկացվել էր Երևանում:

Հիշեցնենք, որ ԱԱ-2022-ի ընտրական փուլի առաջին տուրում Խոակին Կապառոսի գլխավորած թիմը նվազագույն հաշվով արտագնա հաղթանակ էր տարել Լիխտենշտեյնի հավաքականի նկատմամբ, իսկ իսլանդացիները հյուրընկալվելիս 0:3 հաշվով պարտվել էին Գերմանիայի հավաքականին: