Հայաստանի հավաքականի ֆուտբոլիստները կորոնավիրուսի թեստ են հանձնել
16:00 24 մարտի, 2021Հայաստանի ազգային հավաքականի ֆուտբոլիստները կորոնավիրուսի թեստ են հանձնել Լիխտենշտեյնի դեմ աշխարհի առաջնության ընտրական փուլի J խմբի առաջին տուրի հանդիպումից առաջ: Բոլոր պատասխանները բացասական են, hաղորդում է ՀՖՖ մամուլի ծառայությունը:
Հունական «Լամիայի» կիսապաշտպան Գևորգ Ղազարյանից բացի, մյուս բոլոր ֆուտբոլիստները կարող են դուրս գալ խաղադաշտ: 32-ամյա ֆուտբոլիստը շարունակում է վերականգնողական փուլն ազգային թիմի ճամբարում:
Հիշեցնենք, որ Լիխտենշտեյն - Հայաստան հանդիպումը տեղի կունենա մարտի 25-ին Վադուցի «Ռեյնպարկ» ստադիոնում և կմեկնարկի Երևանի ժամանակով 23:45-ին: Հանդիպումը կսպասարկեն ավստրիացի մրցավարներ՝ 36-ամյա Յուլիան Վեինբերգերի գլխավորությամբ: Մարտի 24-ին Հայաստանի հավաքականը նախախաղային մարզում կանցկացնի «Ռեյնպարկում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։